ថ្មីៗនេះប្រជាពលរដ្ឋ ដែលទៅធ្វើឯកសារកាន់កាប់ដីធ្លី នៅក្នុងមន្ទីររៀបចំដែន ដីខេត្តបន្ទាយមានជ័យ បានរិះគន់ខ្លាំង ទៅលើទង្វើមិនប្រក្រតី របស់មន្ត្រីមន្ទីរសុរិយោដីខេត្តបន្ទាយមានជ័យ ដែលមិនយកចិត្តទុកដាក់ ធ្វើការងារបម្រើ ប្រជាពលរដ្ឋតាមតួនាទីរបស់ខ្លួន។ ប្រភពពីប្រជាពលរដ្ឋបានឲ្យដឹងថា នៅពេលដែលពួកគាត់អង្គុយរង់ចាំទទួលសេវាសាធារណៈពីសំណាក់ក្រុមមន្ត្រីសុរិយោដីនៅក្នុងមន្ទីររៀបចំដែនដីខេត្តបន្ទាយមានជ័យ បែរជាមន្ត្រីទាំងនោះបិទទ្វារចាក់សោកន្លែងធ្វើការ ហើយនាំគ្នាទៅច្រៀងខារ៉ាអូខេនៅខាងក្រោយអគារយ៉ាងរំភើយតែម្តង។ ដូច្នេះហើយទើបប្រជាពលរដ្ឋអំពាវនាវឲ្យលោក ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី ពិនិត្យ ឡើងវិញអំពីបញ្ហានេះព្រោះលោក ប្រាក់ ប៉ូលី ប្រធានមន្ទីររៀបចំដែនដីខេត្តបន្ទាយមានជ័យ កំពុងបណ្ដោយឲ្យមន្ត្រីក្រោមឱវាទធ្វើអ្វីៗតាមអំពើចិត្ត។
បើតាមការបង្ហើបពីមន្ត្រីរាជការនៅក្នុងមន្ទីររៀបចំដែនដីខេត្តបន្ទាយមានជ័យ មួយចំនួនបានលើកឡើងថា ដោយសារអាងមានខ្នងបង្អែករឹងមាំនៅក្នុងក្រសួងរៀបចំដែនដីទើបលោក ប្រាក់ ប៉ូលី ហ៊ានប្រព្រឹត្តអំពើពុករលួយយ៉ាងរាលដាល ហើយបណ្ដោយឲ្យមន្ត្រីក្រោមឱវាទធ្វើការងារប្រចាំថ្ងៃតាមបែបអនាធិបតេយ្យ។ តាមប្រភពពីមន្ត្រីនៅក្នុងមន្ទីររៀបចំដែនដីខេត្តបន្ទាយមានជ័យ មួយចំនួនបានឲ្យដឹងថា ចាប់តាំងពីលោក ប្រាក់ ប៉ូលី ទទួលបានតំណែងជាប្រធានមន្ទីររៀបចំដែនដីនគរូបនីយកម្ម សំណង់និងសុរិយោដីខេត្តបន្ទាយមានជ័យ រួចមកគឺប្រើតួនាទីនិងអំណាចប្រព្រឹត្តអំពើពុករលួយយ៉ាងគឃ្លើន។ ប្រភពបានឲ្យដឹងទៀតថា បច្ចុប្បន្នលោក ប្រាក់ ប៉ូលី អាងអំណាចជាប្រធានមន្ទីរសុរិយោដីខេត្តបន្ទាយមានជ័យ ធ្វើអ្វីៗស្រេចតែអំពើចិត្តរបស់ខ្លួន ហើយសូម្បីតែលោក សួន បវរ អភិបាលខេត្តបន្ទាយមានជ័យ ក៏លោក ប្រាក់ ប៉ូលី ហ៊ានផ្គើនដាក់យ៉ាងក្រអឺតក្រទមដែរ។ បញ្ហានេះកំពុងធ្វើឲ្យប្រជាពលរដ្ឋនៅក្នុងខេត្តបន្ទាយមានជ័យ រិះគន់យ៉ាងខ្លាំងហើយអំពាវនាវឲ្យលោក សួន បវរ អភិបាលខេត្តបន្ទាយមានជ័យ និងលោក ជា សុផារ៉ា រដ្ឋមន្ត្រីក្រសួងរៀបចំដែនដី ចាត់វិធានការទប់ស្កាត់អំពើពុករលួយនិងទង្វើមិនប្រក្រតីរបស់លោក ប្រាក់ ប៉ូលី ព្រមទាំងបក្ខពួកបរិវារជាបន្ទាន់។
ជាក់ស្ដែងពេលប្រជាពលរដ្ឋទៅបំពេញឯកសារផ្សេងៗនៅមន្ទីររៀបចំដែនដីខេត្តបន្ទាយមានជ័យ បែរជាក្រុមមន្ត្រីទាំងនោះនាំគ្នាបិទទ្វារមិនធ្វើការ ហើយច្រៀងខារ៉ាអូខេយ៉ាងសប្បាយរីករាយក្នុងម៉ោងការងារទៅវិញ។ ខ្នងបង្អែករបស់លោក ប្រាក់ ប៉ូលី គឺលោក ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម សំណង់និងសុរិយោដី ហេតុនេះហើយទើបលោក ប្រាក់ ប៉ូលី និងបក្ខពួកបរិវារធ្វើអ្វីៗតាមអំពើចិត្តរបស់ខ្លួនមិនខ្វល់ពីការរិះគន់អ្វីទាំងអស់។ ប្រសិនបើគ្មានលោក ជា សុផារ៉ា រដ្ឋមន្ត្រីក្រសួងរៀបចំដែនដីជាខ្នងបង្អែកយ៉ាងរឹងមាំ គឺលោក ប្រាក់ ប៉ូលី មិនហ៊ានធ្វើអ្វីៗតាមអំពើចិត្តនិងមិនហ៊ានផ្គើនជាមួយលោក សួន បវរ អភិបាលខេត្តបន្ទាយមានជ័យ។មានត
