ប្រជាពលរដ្ឋបាននិយាយថាផ្លូវថ្នល់ ដែលពួកគាត់រាប់រយគ្រួសារត្រូវ ធ្វើដំណើរឆ្លងកាត់បែរ ជាលោក សន នី អនុ ញ្ញាត ឲ្យមានអ្នកលក់ដូរ យ៉ាងអនាធិបតេយ្យដើម្បីផលប្រយោជន៍ផ្ទាល់ ខ្លួនមិនគិតពីផលប៉ះ ពាល់ដល់ផល ប្រ យោជន៍ប្រជាពលរដ្ឋក្នុងមូលដ្ឋានឡើយ។
ប្រជាពលរដ្ឋរស់នៅក្នុងភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប បានឲ្យដឹងថា នៅជុំវិញផ្សារក្រោមខេត្តសៀមរាប មានអ្នកលក់ដូរលើចិញ្ចើមផ្លូវយ៉ាងអនាធិបតេយ្យធ្វើឲ្យពួកគាត់ពិបាកធ្វើដំណើរឆ្លងកាត់ផ្លូវទាំងនោះ។ ប្រជាពលរដ្ឋបានរិះគន់ថា លោក សន នី ប្រធានផ្សារក្រោមគិតតែពីរឿងផលប្រយោជន៍ផ្ទាល់ខ្លួនហើយមិនខ្វល់ពីផលប៉ះពាល់ដល់ការរស់នៅរបស់ប្រជាពលរដ្ឋក្នុងមូលដ្ឋាននោះទេ។ ដូច្នេះលោក សូ ប្លាតុង អភិបាលក្រុងសៀមរាប ក៏ដូចជាលោក ឃឹម ប៊ុនសុង អភិបាលខេត្តសៀមរាប គួរពិនិត្យឡើងវិញជាបន្ទាន់ជុំវិញបញ្ហានេះ ហើយមិនត្រូវទុកឲ្យលោក សន នី ប្រធានផ្សារក្រោមធ្វើអ្វីៗតាមអំពើចិត្តទៀតឡើយ។
តាមការអះអាងរបស់ប្រជាពលរដ្ឋក្នុងសង្កាត់ស្វាយដង្គំ ក្រុងសៀមរាប បានឲ្យដឹងថា ប្រសិនបើគ្មានការអនុញ្ញាតពីលោក សន នី ដែលជាប្រធានផ្សារក្រោមទេនោះ គឺគ្មានអាជីវករឬពលរដ្ឋណាហ៊ានលក់ដូរលើចិញ្ចើមផ្លូវដូចសព្វថ្ងៃនេះទេ។ បច្ចុប្បន្ននៅលើផ្លូវនោះពិបាកក្នុងការបើកបរម៉ូតូឬបើកបររថយន្តឆ្លងកាត់យ៉ាងខ្លាំង ហើយប្រសិនបើមានគ្រោះអគ្គិភ័យកើតឡើងគឺគ្មានឡានទឹកណាអាចចូលជួយពន្លត់បានទាន់ពេលវេលាទេ។
ប្រជាពលរដ្ឋក្នុងសង្កាត់ស្វាយដង្គំ ក្រុងសៀមរាប បានអំពាវនាវឲ្យលោក សូ ប្លាតុង អភិបាលក្រុងសៀមរាប និងលោក ឃឹម ប៊ុនសុង អភិបាលខេត្តសៀមរាប ចាត់វិធានការទប់ស្កាត់ទង្វើមិនប្រក្រតីរបស់លោក សន នី ប្រធានផ្សារក្រោមក្រុងសៀមរាប ជាបន្ទាន់។ បើមិនដូច្នេះទេលោក សន នី ប្រធានផ្សារក្រោម នៅតែធ្វើអ្វីៗស្រេចតែអំពើចិត្តរបស់ខ្លួនដោយមិនគិតពីផលប៉ះពាល់ដល់ការរស់នៅរបស់ប្រជាពលរដ្ឋក្នុងមូលដ្ឋានឡើយ។ ក្នុងនោះប្រជាពលរដ្ឋបានអំពាវនាវយ៉ាងទទូចឲ្យលោក ហ៊ា ហាវ ចៅសង្កាត់ស្វាយដង្គំ ក៏ដូចជាលោក សូ ប្លាតុង អភិបាលក្រុងសៀមរាប ជួយដោះស្រាយបញ្ហារបស់ពួកគាត់ជាបន្ទាន់ព្រោះបច្ចុប្បន្នពួកគាត់ពិបាកធ្វើដំណើរឆ្លងកាត់ផ្លូវនៅផ្សារក្រោមខ្លាំង។បឋម
