តាមប្រភពពីជនជាតិដើមភាគតិចរស់ នៅក្នុងឃុំស្រែគរ ស្រុកសេសាន បានឲ្យដឹងទៀតថា បច្ចុប្បន្នរោង សិប្បកម្មកែច្នៃ ឈើខុសច្បាប់មិនតិច ជាង២០កន្លែងកំពុងដំណើរការ យ៉ាងរលូន ព្រោះមន្ត្រីជំនាញនិ ងសមត្ថកិច្ចពា ក់ព័ន្ធគិត តែពីរឿងប្រមូលលុយចែកគ្នាធ្វើមានធ្វើបាន។ មន្ត្រីអង្គការក្រៅរដ្ឋាភិបាល ក៏បានលើកឡើងដែរថា ប្រធានមន្ទីរបរិស្ថានខេត្តស្ទឹងត្រែង ក៏ដូចជាប្រធានមន្ទីរកសិកម្មនិងមេរដ្ឋបាលព្រៃឈើខេត្តស្ទឹងត្រែង បានចាត់ទុកសិប្បកម្មកែច្នៃឈើខុសច្បាប់ក្នុងឃុំស្រែគរ ស្រុកសេសាន ជាប្រភពចំណូលដ៏សំខាន់របស់ពួកគេ ហេតុនេះហើយទើបពួកគេមិនចាត់វិធានការបង្ក្រាប។ ជាងនេះទៅទៀតរោងសិប្បកម្មខ្លះត្រូវបានគេបើកធ្វើអាជីវកម្មនៅក្នុងផ្ទៃបាតអាងទំនប់វារីអគ្គិសនីសេសានក្រោម២ តែម្តងហើយគ្មានមន្ត្រីជំនាញឬសមត្ថកិច្ចណាហ៊ានទៅក្បែររោងសិប្បកម្មទាំងនោះទេ។ ដូច្នេះថ្នាក់ដឹកនាំក្រសួងបរិស្ថាន ក៏ដូចជាថ្នាក់ដឹកនាំក្រសួងកសិកម្ម មិនគួរបណ្ដែតបណ្ដោយតទៅទៀតឡើយ ព្រោះរោងសិប្បកម្មច្រើនកន្លែងក្នុងឃុំស្រែគរ ស្រុកសេសាន កំពុងតែធ្វើឲ្យព្រៃសហគមន៍ ព្រៃការពារ និងព្រៃអភិរក្សក្នុងស្រុកសេសាន ត្រូវប្រឈមនឹងសេចក្ដីវិនាស។
តាមសេចក្ដីរាយការណ៍ពីប្រជាសហគមន៍ការពារព្រៃឈើក្នុងឃុំស្រែគរ ស្រុកសេសាន ខេត្តស្ទឹងត្រែង បានឲ្យដឹងថាបច្ចុប្បន្នក្នុងមូលដ្ឋានពួកគាត់ ជាពិសេសនៅក្បែរទំនប់វារីអគ្គិសនីសេសានក្រោម២ មានសិប្បកម្មកែច្នៃឈើខុសច្បាប់ជាច្រើនកន្លែងកំពុងដំណើរការយ៉ាងពេញបន្ទុក។ ប្រភពបានឲ្យដឹងទៀតថា ការដែលក្រុមឈ្មួញនិងក្រុមជនល្មើសបង្កើតរោងសិប្បកម្មកែច្នៃឈើមិនតិចជាង២០កន្លែងក្នុងឃុំស្រែគរ គឺមានការឃុបឃិតពីមន្ត្រីរដ្ឋបាលព្រៃឈើ មន្ត្រីអាជ្ញាធរ មន្ត្រីបរិស្ថាន និងសមត្ថកិច្ចពាក់ព័ន្ធជាច្រើនស្ថាប័ន។ ប្រការនេះកំពុងតែធ្វើឲ្យព្រៃឈើដែលនៅសេសសល់ក្នុងស្រុកសេសាន ចៀសមិនផុតពីសេចក្ដីវិនាសក្នុងពេលឆាប់ៗខាងមុខនេះឡើយ ព្រោះរោងសិប្បកម្មជាច្រើនកន្លែងកំពុងធ្វើសកម្មភាពកែច្នៃឈើជាគ្រោងទ្វារបង្អួច តុទូ និងគ្រឿងសង្ហារឹមផ្សេងៗដឹកចេញយ៉ាងរលូន។
ប្រភពពីមន្ត្រីអង្គការក្រៅរដ្ឋាភិបាលនិងសកម្មជនព្រៃឈើក្នុងខេត្តស្ទឹងត្រែង បានឲ្យដឹងថា ចាប់តាំងពីមានការផ្លាស់ប្ដូរតំណែងមេឃុំរួចមក គឺមេឃុំថ្មី បានបើកដៃឲ្យក្រុមឈ្មួញ ក្រុមជនល្មើស បង្កើតរោងសិប្បកម្មកែច្នៃឈើជាច្រើនកន្លែងដើម្បីជាថ្នូរនឹងផលប្រយោជន៍។ ប្រភពបានឲ្យដឹងទៀតថា ម្ចាស់រោងសិប្បកម្មកែច្នៃឈើខុសច្បាប់ទាំងនោះប្រមូលទិញឈើប្រណីត ឈើប្រភេទលេខ១ ឈើប្រភេទលេខ២ ដែលពលរដ្ឋនិងក្រុមជនល្មើសកាប់ដឹកចេញពីព្រៃអភិរក្ស ព្រៃការពារ និងព្រៃសហគមន៍ជាច្រើនកន្លែងក្នុងស្រុកសេសាន។ ចំណែកមន្ត្រីបរិស្ថាន មន្ត្រីរដ្ឋបាលព្រៃឈើ និងសមត្ថកិច្ចពាក់ព័ន្ធកំពុងសប្បាយប្រមូលលុយពីម្ចាស់រោងសិប្បកម្មកែច្នៃឈើខុសច្បាប់ទាំងនោះយ៉ាងក្រអឺតក្រទមមិនខ្វល់ពីការរិះគន់អ្វីទាំងអស់។បឋម
